| 27.09.2015 | ||
| ||
|---|---|---|
|
(#55) Gmüetliche Sieg und ungmüätlichi Niederlag Guet gluunt hend mir eus hüt in Bülach troffe. Nach me Fotoshooting für eusi Website und me guete Iwärme sind mir i eusen erste Match vo dere Saison gstartet. Euse Gegner Floorball Bülach, kenned mir scho lang, sie sind sicher nid z underschätzä. De Päde isch scho früeh i de Halle gxi, so het er s erschte Spiel vo de Bülacherinne glueget und analysiert. Er het eus gueti Tipps gäh, wie mir eus en Sieg chönd erspiele. Nervös, aber glücklich, endlich wieder dörfä i de Meisterschaft z spiele, sind mir ufem Feld gstande und sind parat gxi für de ersti Match. Scho nach es paar Minute het eusi neusti Spielerin i de neue Saison ihres ersti Goal gschosse! Ganz geil!! Bülach het eus aber goalmässig nid devozieh lah. Dur dummi Fehler vo eus hend sie immer wieder chönne Aschlusstreffer erziele. I de zweite Hälfti hend mir nach me Timeout vo Bülach richtig Gas gäh. Guet, de Gegner isch konditionell nüm so starch gxi. Das hend mir super chönne usnutze und hend no es paar sehr schöni Goal gschosse. Endstand 9:3! Mir sind happy! Nachere gmüetliche Pause sind mir i euses zweite Spiel gstartet. Gegnerinne Red Lions us Frauefeld. Scho vor de Saison hend mir imne Testspiel geg sie gspielt. Mir hend eus im erste Drittel guet chönne halte, i de Pause isch es 1:1 gstande. Im zweite Teil isch den irgendwie alles chli schief gloffe. Frauefeld het sich mit witere Goal chönne Luft verschaffe. Trotzdem hend mir recht verbisse witer kämpft und es schöns Goal vo eus, het eus de Glaube anen Sieg wieder nöcher bracht. Leider het aber au es Spiel mit 4 Feldspielerinne nüt me bracht und d Frauefelderinne hend sich mit 2 Schüss is leere Goal de Sieg gholt. Trotz dem unglückliche zweite Teil isch de Tag aber trotzdem sehr luschtig gxi und mer het gmerkt das euse Team-Spirit richtig guet isch!! Freu mich scho uf die witer Saison! |
||
|
Autor: #55 Anzahl Zugriffe: 3222 |
||
| zurück | ||
Hier könnte auch Dein Logo zu finden sein!
Werde Sponsor des UHC Wild Pigs Wyland und unterstütze junge Leute im Sport. Kontakt
