| 05.12.2013 | ||
| ||
|---|---|---|
|
(#87) Am frühä Sunntigmorgä äs isch chum scho 12i gsi händ sich fast alli Widsauä vom Herrä 2 im Thurgau, gnau gseit z Hüttwilä, troffä. Alli? Nei is chlisä unbügsams Dorf im Nordä vo Galliä ... Sorry da isch di falsch Gschicht. Also 2. Versuäch: Alli? Nei dä eint oder ander hät zu därä früähä Stund nanig zum Bett us mögä, gnau gno nu dä eint. Nach äm umzihä händ dän au öppä all di neustä Neuigkeitä us äm Damämatch erfahrä* (Anmerkung der Redaktion: Zum besseren Verständnis " Roter ;) Sonntag für die Damen" lesen) Isch immer schön ä super Usred zha das dä Matchbricht so spat chunnt. Dän isch irgendwänn au mal na d Pausä vom Match vor üsem Match gsi und mer händ üs chönnä ga Iispilä. Irgänd wänn isch dän au mal üsä Match apiffä wordä. Winti United III isch dä Gegner i dä Spitzäkampf (also si sind Spitzäriiter gsi und mir händ kämpft) gsi. Bis zur Pausä händ mir au na ganz guät kämpft (2:2) und nachher ehner ä chli unglücklich (3:5 zum Schluss). Zum Glück hät dä Daniel Bitterli als Pausä Unterhaltig än Mega guätä Schiri organisiert. So händ mir üs doch a so schönä Zeichä wiä dä "Stärben Schwan" (au als "Schwuli Schwalbä" bekannt) äm uf nächst Saison neu igführtä "Psssssst" und äm "Pizza Hut" (het glaub söllä Torruumoffside si, ohni Penalty) chönnä erfreuä. Leider händ mir dän das Spektakel mössä verlaa zum ga Iispilä. Bim Wartä uf üsä Match häts au na chlii Ziit für Kultur gha, so hät mä chönnä erfahrä das i dä Steiziit scho Garrettä kännt händ (mit Pneu) und au Farbfottänä händs scho kännt. Dä eint oder ander, also dä ander will dä eint isch ja na immer am pennä gsi hät na ä Ziitreis gmacht und debii wiä dä Mario dä Vogel abgschossä. Plötzlich sind mir dän uf äm Fäld gstandä und händ 2:0 gführt gegä dä TV Hemmental wo üsi Gegner dän au mal verwachet sind und zur Pausä mit 5:3 d Fühärig überno händ. Di 2. Helfti isch schnäll verzellt Wältklasse Goalileistig gegä komplizirt spilendi und teilwiis chli unglücklich kämpfendi Wildsauä und so häts zum Schluss dän 10:7 für Hemmental gheissä. Leider isch dä vom Päde organisierti MEGA schöni Sunnäundergang in Näbel gheit und mir fählt s Happy End. Etz isch Ziit zum Gschicht namal zwächslä ... und so händ sich d Gallier wiä jedäsmal nachämä Abentür uf äm Dorfplatz troffä und bis tüüf id nacht iä gfiired. Doch na äs Happy End. So gaht das! |
||
|
Autor: #87 Anzahl Zugriffe: 3268 |
||
| zurück | ||
Hier könnte auch Dein Logo zu finden sein!
Werde Sponsor des UHC Wild Pigs Wyland und unterstütze junge Leute im Sport. Kontakt
