| 21.09.2011 | ||
| ||
|---|---|---|
|
(#83) Bi eus im Herre 1 isches immer Tradition gsi, dass bidä 1. Rundi 4 Pünkt münd hi. Im Uftaktspiel isch dänn nid lang gange, bis dä gegnerisch Goali hät müse hindere lange. Und chum isch d'Statistik eröffnet gsi, lauft dä glich auno bidä Stroffä dri. Aber aller guten Dinge sind drei, drum schribi ez nachem 1. Goal und dä 1. Stroff auno dä 1. Bricht dihei. D'Stroff isch schnäll abgsässe gsi, Benglä macht zägg-bumm dä Penalti dri. Aber zrugg zum Spiel, dä Afang scho mal nid verschlofä, hämmer die Bengler fürs verspielte Chügele doch öpe chöne bestrofä. Mit solider Deffensive gots vorne fasch vonälei, bi 8:4 ide Helfti hämmer s'Gfühl gha mir heigäd die 2 Pünkt dihei. Fasch fahrlässig hämmer das Spiel dänn aber us dä Hände lo, churz vor Schluss sinds uf 8:8 ane cho. Glücklich hämmer eus mit mä 10:9 chöne dure ringe, dä Vetterli wird dank em Stängeli s'nächst Mal no e Chiste bringe. Bim 2. Spiel gegä d'Ufstiger Tösstal Wila simmer gli 0:1 hinä gläge, aber notürli nonig nervös wordä derwäge. Im Handumrehä simmer denn uf 4:1 dävo zoge, leider nid lang, zur Pause sinds bereits wieder 5:6 vorne die Choge. Nach 3 Jahr händs denn wiedermal dä Roli use gstellt, mir natürlich voll uf dä Grispi zellt. Er hät sich aber leider bim Penalty verspekuliert was sölls - dä Blick seit so Züg isch sogar scho bidä Bänker passiert... Bis zum 9:9 simmer Chopf a Chopf zäme kläbt, bis eus wänigi Sekunde vor Schluss en Drehschuss zum 10:9 grettet hät. Einersiits schön chömmer vode Champions singe, anderersiits musi ez wägem Stängeli auno Bier mitbringe. Verdient wär andersch, will 1 Punkt isch mindestens klaut, aber egal, insgesamt hämmer solidi 4 Pünkt zum Start ufbaut. 3. Tabäleplatz; drum s'Fazit nach dä erste Spiel: Ez mümmer brämse, susch überschüssemer s'Saisonziel ;-) |
||
|
Autor: #83 Anzahl Zugriffe: 3167 |
||
| zurück | ||
Hier könnte auch Dein Logo zu finden sein!
Werde Sponsor des UHC Wild Pigs Wyland und unterstütze junge Leute im Sport. Kontakt
